Whatsapp Voice Chat:–

     వాట్సాప్ మరోసారి సరికొత్త ఫీచర్‌ను ప్రారంభించింది. ఈ ఫీచర్ ద్వారా వాయిస్ కాలింగ్‌లో ఎలాంటి అవాంతరాలనేవి ఉండవు. ఈ ఫీచర్ గ్రూప్ చాట్స్‌లో ఎంతో ఉపయోగకరంగా ఉంటుంది. ఈ సందర్భంగా ఈ ఫీచర్ ఎలా పని చేస్తుందో ఇప్పుడు తెలుసుకుందాం..

Whatsapp Voice Chat :-

మెటా ఆధ్వర్యంలోని ప్రముఖ మెసెంజర్ యాప్ వాట్సాప్ కొత్తగా వాయిస్ చాట్ ఫీచర్‌ను ప్రారంభించింది. ఇది గ్రూప్ కాల్స్ చేసే వారికి ఎంతగానో ఉపయోగపడుతుంది. వాయిస్ కాలింగ్‌తో పోలిస్తే ఈ ఫీచర్ చాలా ప్రయోజనకరంగా ఉంటుంది. ఇది ఆండ్రాయిడ్ యూజర్లతో పాటు ఐఫోన్ యూజర్లకు కూడా అందుబాటులోకి వచ్చింది. ఈ సందర్భంగా వాట్సాప్ వాయిస్ చాట్ ఎలా పని చేస్తుంది. దీని వల్ల ఎవరికి ఎలాంటి ప్రయోజనాలు రానున్నాయో ఇప్పుడు తెలుసుకుందాం…

వాట్సాప్‌లోని ఈ కొత్త ఫీచర్ యూజర్స్ ఎక్స్‌పీరియన్‌ని మెరుగుపరచడమే లక్ష్యంగా పెట్టుకుంది. వాట్సాప్‌లో ఉండే ఎక్కువ మంది గ్రూపుల కోసం గ్రూప్ కాలింగ్ ఫీచర్‌ను ఉంచింది. కానీ వాయిస్ చాట్ ఫీచర్ రాకతో వాట్సాప్ లాగే కమ్యూనికేషన్ కూడా సులువుగా మారనుంది. ఇంతవరకు గ్రూప్ కాల్స్ సమయంలో వాట్సాప్ యూజర్లకు కేవలం రింగ్ మాత్రమే వినిపించేది. వాట్సాప్‌లో గ్రూప్ కాల్ చేసినప్పుడు.. తదతర గ్రూపుల్లో ఉండే సభ్యులందరికీ రింగ్‌తో పాటు అవ్వాలంని నోటిఫికేషన్ వస్తుంది. ఏదైనా అత్యవసరమైన పనుల్లో ఉన్నప్పుడు ఇలాంటి గ్రూప్ కాల్స్ వస్తే చాలా ఇబ్బందికరంగా ఉంటుంది. ఇలాంటి ఇబ్బందులకు చెక్ పెట్టేందుకే వాట్సాప్ వాయిస్ చాట్ ఫీచర్‌ను లాంచ్ చేసింది.

ఒక గంట మాత్రమే..

ఈ ఫీచర్ యాక్సెస్ చేసుకోవడం వల్ల గ్రూప్ కాల్ వచ్చినా రింగ్ టోన్ రాదు. గ్రూపులోని వారందరికీ నోటిఫికేషన్ మ్యూడ్ మోడ్‌లో స్క్రీన్‌పై ప్రాంప్ట్ కనిపిస్తుంది. వాయిస్ చాట్ ఫీచర్ ద్వారా గ్రూప్ కాల్ ముగిసేలోపు ఏ సమయలోనైనా ఈజీగా జాయిన్ కావొచ్చు. ఈ గ్రూప్‌లో 33 నుంచి 128 వరకు యూజర్లు జాయిన్ కావొచ్చు. ఈ సదుపాయం కూడా అన్ని గ్రూపులకు అందుబాటులో ఉండదని ఆ కంపెనీ ప్రకటించింది. అయితే ఈ వాయిస్ చాట్‌తో కేవలం ఒక గంట మాత్రమే మాట్లాడే అవకాశం ఉంటుంది.

యూజర్ల ప్రొఫైల్ చూడొచ్చు..

గంటసేపు పూర్తయ్యాక అది ఆటోమేటిక్‌గా డిస్ కనెక్ట్ అవుతుంది. గ్రూప్ కాల్స్‌లో జాయిన్ అయిన యూజర్లు మాత్రమే వాయిస్ చాట్ వినే అవకాశం ఉంటుంది. అయితే వాయిస్ చాట్‌లో పాల్గొనలేని వారు గ్రూపు కాల్స్‌లోని యూజర్ల ప్రొఫైల్‌ను చూసేందుకు వీలుంటుంది.

త్వరలో అందరికీ..

ఈ సరికొత్త ఫీచర్‌ను కంపెనీ ప్రపంచ వ్యాప్తంగా ఉన్న ప్రధాన వాట్సాప్ గ్రూపుల్లో ఈ ఫీచర్‌ను అందుబాటులోకి తీసుకురావడం ప్రారంభించింది. మరికొన్ని రోజుల్లో ఈ అందరికీ ఈ ఫీచర్ అందుబాటులోకి రానుంది. దీని కోసం ఆండ్రాయిడ్ ఫోన్ వాడే గూగుల్ ప్లే స్టోర్, యాపిల్ ఫోన్ వాడే వారు ఐఓఎస్ వాట్సాప్ లేటెస్ట్ వర్షన్లకు అప్‌డేట్ చేసుకోవాల్సి ఉంటుంది.

ఈ ఫీచర్ కావాలంటే..
మీరు ఈ ఫీచర్‌ని పొందిన వెంటనే వాయిస్ చాట్ ఎనేబుల్ చేసేందుకు గ్రూప్ చాట్‌ను ఓపెన్ చేయాలి.
ఇప్పుడు స్క్రీన్ రైట్ టాప్ కార్నర్లో ఉన్న ఆడియో ఐకాన్ ఆప్షన్ పై క్లిక్ చేయాలి.
వాయిస్ చాట్ స్టార్ట్ బటన్‌పై క్లిక్ చేయండి.
వాయిస్ చాట్ నుంచి ఎగ్జిట్ అవ్వడానికి X సింబల్ పై ప్రెస్ చేయాలి.